പരിചിത ദുഃഖത്താൽ പോരാട്ടമാകിലും
നേരോടെ ജീവിച്ചു ആശ്വാസപ്പെടും ഞാൻ
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ

കഷ്ടതയാകിലും നഷ്ടങ്ങൾ വന്നാലും
ഇഷ്ടന്മാർ വിട്ടാലും തൃപ്തിയായി ജീവിക്കും ഞാൻ
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ

കൂട്ടുകുടുംബക്കാർ തീർച്ചയായ് വിട്ടീടും
കൂട്ടുസഹോദരർ ഭ്രഷ്ടരായ് തള്ളീടും
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ

എന്തു മനോഹരം ഹന്ത ചിന്തിക്കുകിൽ
സന്തോഷദേശമേ നിന്നിൽ ഞാൻ ചേർന്നിടും
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ

ദൂരത്തായ് കാണുന്ന സഹോദരക്കൂട്ടത്തെ
യോർദ്ദാനിനക്കരെ സ്വാഗതസംഘത്തെ
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ

ബോട്ടിൽ ഞാൻ കയറീടും പാട്ടോടെ യാത്രയ്ക്കായ്
കോട്ടമില്ലാതുള്ള വീട്ടിൽ ഞാൻ എത്തിടും
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ

രാജമുടി ചൂടി രാജാധിരാജനെ
ആലിംഗനം ചെയ്യും നാളിലെന്താനന്ദം
തീരും എൻ ദുഃഖം വിലാപവും
ചേരും ഞാൻ സ്വർഗ്ഗേ വേഗം ഹല്ലേലൂയാ