ഞാൻ തകരാത്തത് നിൻ കൃപയാലത്രേ
ഞാൻ ഉലയാത്തത് നിൻ ദയയാലത്രേ
എൻ ഉറവിടമാകും മറവിടമേ
നിൻ ചിറകടി എനിക്കഭയം

യേശുവേ യേശുവേ
എൻ അതിമഹത്തായ പ്രതിഫലമേ
എൻ ഉറവിടമാകും മറവിടമേ
നിൻ ചിറകടി എനിക്കഭയം

തളരുന്ന നേരം നിൻ തോളതിലും
താഴുന്ന നേരം നിൻ കൈകളിലും
എന്നെ നടത്തുന്ന യേശുവേ
എന്നെ പുലർത്തുന്ന യേശുവേ
എന്നെ കരുതുന്ന യേശുവേ
എന്നെ ഉയർത്തുന്ന യേശുവേ

എൻ അരികിലേക്കോടി വന്നവനേ
സകലവും മറന്നെന്നെ ചേർത്തവനെ
ഇനി എവിടെയും പോകില്ല
തുടരും ഞാൻ അരികിലായ്
നിഴലായ് എന്നുമേ
തുണയായ് എന്നുമേ