സഹോദരരേ പുകഴ്ത്തിടാം സദാ പരനേശുവിൻകൃപയെ
മഹോന്നതനാമവൻ നമുക്കായ് മരിച്ചുയിരെ ധരിക്കുകയായ്
മഹാത്ഭുതമീ മഹാദയയെ മറക്കാനാവതോ പ്രിയരെ
മറക്കാനാവതോ പ്രിയരെ

സഹോദരരേ പുകഴ്ത്തിടാം സദാ പരനേശുവിൻകൃപയെ

ഭയങ്കരമായ വൻനരകാവകാശികളായിടും നമ്മിൽ
പ്രിയം കലരാൻ മുഖാന്തരമായ തൻ ദയയെന്തു നിസ്തുല്യം
ജയം തരുവാൻ ബലം തരുവാൻ ഉപാധിയുമീ മഹാദയയാം
ഉപാധിയുമീ മഹാദയയാം

സഹോദരരേ പുകഴ്ത്തിടാം സദാ പരനേശുവിൻകൃപയ

നിജാജ്ഞകളെയനാദരിച്ച ജനാവലിയാകുമീ നമ്മെ
നിരാകരിക്കാതെ വൻദയയാൽ പുലർത്തുകയായവൻ ചെമ്മെ
നിരാമയരായ് വിമോചിതരായ് വിശുദ്ധവംശമായ് നമ്മൾ
വിശുദ്ധവംശമായ് നമ്മൾ

സഹോദരരേ പുകഴ്ത്തിടാം സദാ പരനേശുവിൻകൃപയെ

സഹായകനായ് ദിനംതോറും സമീപമവൻ നമുക്കുണ്ട്
മനം കലങ്ങാതിരുന്നിടാം ധനം കുറഞ്ഞാലുമീ ഭൂവിൽ
സമാധാനം സദാമോദം നമുക്കുണ്ടായതും കൃപയാൽ
നമുക്കുണ്ടായതും കൃപയാൽ

സഹോദരരേ പുകഴ്ത്തിടാം സദാ പരനേശുവിൻകൃപയെ

സഹോദരരേ പുകഴ്ത്തിടാം സദാ പരനേശുവിൻകൃപയെ
മഹോന്നതനാമവൻ നമുക്കായ് മരിച്ചുയിരെ ധരിക്കുകയായ്
മഹാത്ഭുതമീ മഹാദയയെ മറക്കാനാവതോ പ്രിയരെ
മറക്കാനാവതോ പ്രിയരെ

സഹോദരരേ പുകഴ്ത്തിടാം സദാ പരനേശുവിൻകൃപയെ