സന്തോഷിപ്പിൻ വീണ്ടും സന്തോഷിപ്പിൻ
സ്വർഗസന്തോഷത്താൽ നിറവിൻ
സർവ്വസമ്പൂർണ്ണനാം നാഥൻ ചെയ്തതാം
നന്മകൾ ധ്യാനിച്ചു സന്തോഷിക്കാം

രക്ഷകനാം പ്രിയന്റെ
പാലകൻ യേശുവിന്റെ
നാമമുയർത്തുക നാം
നാൾതോറും ആമോദമായ്

പാപത്തിൽ നിന്നു നമ്മെ
കോരിയെടുത്തു പരൻ
ശാശ്വതമാം പാറയിൽ
പാദം നിറുത്തിയതാൽ

രോഗങ്ങൾ വന്നിടിലും
ഭാരങ്ങൾ ഏറിടിലും
സൗഖ്യം പകർന്നു പരൻ
സന്തോഷം തന്നതിനാൽ