മിഴിനനയും നേരം കരളുരുകും കാലം
തളരരുതെ കുഞ്ഞേ പതറരുതെ

കരയാൻ മാത്രമോ ഈ ജന്മം എന്നു
ഇനിയും ചോദിച്ചു തകരരുതെ

കാണുമോ എൻ്റെ ഹൃത്തടം
നുകരുമോ എൻ്റെ സ്നേഹവും

ഒരു മുളംതണ്ടാം നിന്നെ ഛേദിച്ചു
ഒരുപാടു മുറിവുകളേകീ ഞാൻ

നോവുകൾ ഒടുവിൽ നാദങ്ങളാകാൻ
നീയൊരു പുല്ലാംങ്കുഴലാകാൻ

ചേറിലും ചെന്താമരയില്ലെ
രാവുകൾക്കൊടുവിൽ പകലില്ലേ

സൂര്യഗോളത്തിലിൻ പ്രഭയിൽ നിൽക്കുമ്പോൾ
കരയുമോ കൈത്തിരി അണയുകിൽ

കാനാൻദേശം നിൻ ഉള്ളിലുള്ളപ്പോൾ
മരുഭൂവിൻ യാത്രയിൽ തളരാമോ

അഴിയാതെ വിത്തിൽ കതിരുണ്ടോ
കൊത്താതെ കല്ലിൽ ശിൽപ്പവും