ശാന്തമാകുക ശാന്തിയേകുക എൻ മനമേ
ഭാരമെല്ലാം മഞ്ഞു പോലെ ഉരുകീടുമെ
ജീവൻ നൽകും വചസ്സുകളാലെ
മാനസം കുളിർമയമായിടും
സ്നേഹ മാനസൻ സ്നേഹമായെന്നിൽ അലിഞ്ഞിടും

ചെങ്കടലിൻ മുൻപിലും
വൻമതിലിനു ചുറ്റിലും
പ്രാർത്ഥനയിൻ ധ്വനി ഉയർന്നിടുമ്പോൾ
അത്ഭുതവിടുതൽ വെളിപ്പെട്ടിടും
സ്നേഹ മാനസൻ സ്നേഹമായെന്നിൽ അലിഞ്ഞിടും

വിശ്വാസം കാത്തീടുക
വിശ്വസ്തരായ് ശോഭിപ്പാൻ
ശോധനയേറിടും നിമിഷങ്ങളിൽ
അത്ഭുതകരമെനിക്കഭയമേകും
സ്നേഹ മാനസൻ സ്നേഹമായെന്നിൽ അലിഞ്ഞിടും

പർവ്വതങ്ങൾ മാറിടും
കുന്നുകളകന്നീടിലും
മാറ്റമില്ലാത്തതാം തിരുമൊഴികൾ
മായാതെ മറയാതെൻ വെളിച്ചമാകും
സ്നേഹ മാനസൻ സ്നേഹമായെന്നിൽ അലിഞ്ഞിടും