ശുദ്ധിക്കായ് നീ യേശു സമീപേ പോയോ
കുളിച്ചോ കുഞ്ഞാട്ടിൻ രക്തത്തിൽ
പൂർണ്ണാശ്രയം ഈ നിമിഷം തൻ കൃപ
തന്നിൽവച്ചോ ശുദ്ധിയായോ നീ

കുളിച്ചോ കുഞ്ഞാട്ടിൻ ആത്മ ശുദ്ധി
നൽകും രക്തത്തിൽ
ഹിമംപോൽ നിഷ്കളങ്കമോ നിൻ അങ്കി
കുളിച്ചോ കുഞ്ഞാട്ടിൻ രക്തത്തിൽ

അനുദിനം രക്ഷകൻ പക്ഷത്തോ നീ
ശുദ്ധിയായ് നടന്നീടുന്നത്
ക്രൂശേറിയ കർത്തനിൽ നിനക്കുണ്ടോ
വിശ്രമം നാഴിക തോറുമേ

കർത്തൻ വരവിൽ നിൻ അങ്കി ശുദ്ധമോ
ഏറ്റവും വെൺമയായ് കാണുമോ
സ്വർപ്പൂരത്തിൽ വാസം ചെയ്തിടാൻ യോഗ്യ
പാത്രം ആയിത്തീരുമോ അന്നാളിൽ

പാപക്കറയേറ്റ അങ്കി നീ നീക്കി
കുഞ്ഞാട്ടിൻ രക്തത്തിൽ കുളിക്ക
ജീവനീർ ഒഴുകുന്നു അശുദ്ധർക്കായ്
കുളിച്ചു ശുദ്ധിയായിടുക