സ്വർഗ്ഗഭാഗ്യം എത്രയോഗ്യം ആർക്കുവർണ്ണിക്കാം
അതിൻ ഭാഗ്യമോർക്കുന്തോറുമെനിക്കാശയേറുന്നേ
പാപലോകത്തിൽ കിടന്നു പാടുപെടുന്ന എനി
ക്കെപ്പോഴെന്‍റെ മോക്ഷവീട്ടിൽ ചെന്നുചേർന്നീടാം

മുമ്പേ മുമ്പേ പോയിടു ന്നോർ ഭാഗ്യമുള്ളവർ മന്നി
ലുള്ള കഷ്ടതകൾ നീങ്ങി സ്വസ്ഥരായവർ
ലോകസംബന്ധഭവനം വിട്ടുപോയെന്നാൽ മോക്ഷേ
കൈകളാൽ തീർക്കാത്തവീട്ടിൽ പാർത്തിടാമല്ലോ

രണ്ടിനാൽ ഞരങ്ങിഞാനും വാഞ്ഛിച്ചീടുന്നു ആത്മ
വീണ്ടെടുപ്പാം പുത്രസന്തോഷത്തിലെത്തുവാൻ
ഇങ്ങുപെടും പാടുകൾക്കാശ്വാസം പ്രാപിപ്പാൻ എന്‍റെ
മംഗലമോക്ഷപുരത്തിലപ്പോഴെത്തും ഞാൻ

പ്രാവിനെപോൽ രണ്ടു ചിറകുണ്ടെന്നാകിൽ ഞാൻ
ശീഘ്രം എത്തും പറന്നെന്‍റെ മണവാളൻ സന്നിധൗ