ഉണരുക ഒരുങ്ങുക ദൈവജനമേ
മദ്ധ്യവാനിൽ പ്രിയനേശു വന്നിടാറായ്
സ്വർഗ്ഗീയ ദൂതരോടൊത്തു പ്രിയൻ
രാജാധിരാജനായ് വന്നിടുമേ

കാന്തൻ വന്നിടും വേഗം വന്നിടും
നിനയാത്ത നേരമതിൽ വന്നിടും
വചനത്തിൽ വേരൂന്നി വരങ്ങളാൽ നിറഞ്ഞ്
ഫലങ്ങളാൽ വളർന്ന് ഒരുങ്ങീടാം

ക്രിസ്തൻ രക്തത്താൽ കഴുകപ്പെട്ടോർ
സ്വർഗ്ഗസിംഹാസനത്തിൽ ഇരിക്കും
വിശക്കില്ലവർക്ക് ദാഹിക്കില്ല
കണ്ണീരും വേദനയും നീങ്ങിടും

വെൺനിലയങ്കി ധരിച്ചവർ നാം
യേശുവിൻ പൊൻമുഖം മുത്തിടും
സ്വർഗ്ഗ യെരുശലേം മണിയറയിൽ
കാന്തനോടൊത്തു വസിച്ചിടും