ഉണർവിൻ വരം ലഭിപ്പാൻ
ഞങ്ങൾ വരുന്നു തിരു സവിധെ
നാഥാ നിന്റെ വൻകൃപകൾ
ഞങ്ങൾക്കരുളു അനുഗ്രഹിക്കൂ

ദേശമെല്ലാം ഉണർന്നിടുവാൻ
യേശുവിനെ ഉയർത്തിടുവാൻ
ആശിഷമാരി അയക്കേണമേ
ഈ ശിഷ്യരാം നിൻ ദാസരിന്മേൽ

തിരു വചനം ഘോഷിക്കുവാൻ
തിരു നന്മകൾ സാക്ഷിക്കുവാൻ
ഉണർവിൻ ശക്തി അയക്കേണമേ
ഈ ശിഷ്യരാം നിൻ ദാസരിന്മേൽ

തിരു നാമം പാടീടുവാൻ
തിരുവചനം ധ്യാനിക്കുവാൻ
ശാശ്വത ശാന്തി അയക്കേണമേ
ഈ ശിഷ്യരാം നിൻ ദാസരിന്മേൽ