1 വാഗ്ദത്തം ചെയ്തവൻ മാറുകില്ല
വാക്ക് പറഞ്ഞവൻ മാറുകില്ല
ആകാശം ഭൂമിയിവ മാറീടിലും
നിൻ വചനങ്ങൾക്ക് മാറ്റമില്ല

ആരാധ്യനെ പരനാരാധ്യനെ
ആരിലും ഉന്നതൻ ആയവനെ
വഴിയും സത്യവും ആയവനെ
അങ്ങേയെന്നും ഞങ്ങൾ ആരാധിക്കും

2 രോഗം പ്രയാസങ്ങൾ വന്നീടിലും
പ്രതികൂല കാറ്റെന്മേൽ അടിച്ചീടിലും
മരണത്തെ ജയിച്ചവൻ യേശുവുണ്ട്
കർത്തനാം യേശുവെൻ അരികിലുണ്ട്

3 കർത്തൻ തൻ വരവ് സമീപമായ്
കാലങ്ങളധികം ഏറെയില്ല
പ്രത്യാശ പുരുഷനെ കണ്ടീടുവാൻ
കാന്തയാം സഭയെ നീ ഒരുങ്ങീടുക