വന്ദനമേ യേശു രക്ഷകനെൻ നായകനെ
വന്ദനമേ വന്ദനമേ

വന്ദനത്തിനെന്നും യോഗ്യനേ
നിന്നനുഗ്രഹങ്ങൾ എന്നിൽ നീ തന്നതാൽ

നിന്നുടെ വന്ദനം എന്നുമെൻ ഗാനമാം
വന്ദനമേ

കാൽവരി ദർശനം കാണുന്നെൻ മുമ്പിലായ്
അൻപിനാലുള്ളവും കണ്ണും നിറയുന്നേ
വന്ദനമേ

പൊന്നു മഹേശനെ നിന്നുടെ കാരുണ്യം
സന്തതമോർത്തു ഞാൻ നന്ദിയാൽ പാടുമേ
വന്ദനമേ

പാപവും ശാപവും രോഗവും നീങ്ങി ഞാൻ
നീതിമാനാകുവാൻ ശാപമായ്ത്തീർന്നോനെ
വന്ദനമേ

ഇളകാത്ത രാജ്യമാം സീയോനെൻ സ്വന്തമാം
പരനോടുകൂടെ ഞാൻ നിത്യമായ് വാണീടും
വന്ദനമേ

പരമാനന്ദപ്രദം പരിശുദ്ധ ജീവിതം
പരലോകതുല്യമെൻ വിശ്വാസ സേവനം
വന്ദനമേ

ഭാരങ്ങൾ തീർന്നു ഞാൻ ആനന്ദിച്ചീടുവാൻ
ഭാരങ്ങൾ തീർത്ത എൻ കാരുണ്യവാരിധേ
വന്ദനമേ