വരുവിൻ ധന്യ വിശുദ്ധന്മാരേ
രക്ഷണമിയാൾക്കു നൽകാൻ
വരുവിൻ വാനവവൃന്ദമിയാളെ
എതിരേൽക്കാനതി മോദം

വഹിക്കുവിൻ കരതാരിലിയാളുടെ
ആത്മാവിനെ നിങ്ങൾ
പരമോന്നതനാം കർത്താവിൻ തിരു
സന്നിധി ചേർത്തിടുവിൻ
സന്നിധി ചേർത്തിടുവിൻ

നിന്നെ വിളിച്ചു മിശിഹാ നാഥൻ
തന്നുടെ സവിധം പൂകാൻ
കൈക്കൊള്ളണമേ രക്ഷകനീശൻ
തൻ തിരുകൃപയതിനാലേ
തൻ തിരുകൃപയതിനാലേ

പൂർവ്വപിതാവാം അബ്രാഹാമിന്റെ
മടിയിൽ നിന്നെ യണയ്ക്കാൻ
മാലാഖമാർ നിരനിരയായി
ആഗതരായിടട്ടേ
ആഗതരായിടട്ടേ

നാഥാ നിത്യമതാം വിശ്രാന്തി
കല്പിച്ചരുളണമേ
നാഥാ നിത്യവെളിച്ചമിയാളിൽ
ശോഭിതമാക്കണമേ
ശോഭിതമാക്കണമേ

വരുവിൻ ധന്യ വിശുദ്ധന്മാരേ
രക്ഷണമിയാൾക്കു നൽകാൻ
വരുവിൻ വാനവവൃന്ദമിയാളെ
എതിരേൽക്കാനതി മോദം