വെള്ളോട്ടിനു സദൃശ്യമാകും കാലുകൾ ഉള്ളവനെ
പെരുവെള്ളമിരയ്ക്കും പോലെ ശബ്ദവുമുള്ളവനെ
കണ്ണഗ്നിജ്വാലപോലെ കത്തിജ്വലിക്കുന്നവനെ
യേശുവേ നീ മാത്രം എൻ രക്ഷകൻ

ഓ ഓ ഓ
ഹാലേലൂയ

പരിശുദ്ധനായവൻ നീയേ
അതി ശ്രേഷ്ഠനായവൻ നീയേ സർവ്വസൃഷ്ടികൾക്കും നാഥനായവനേ
പൊടിമാത്രമാകുമീ എന്നെ
കരുണാർദ്രപാത്രമയി മാറ്റാൻ
സ്വർഗ്ഗമഹിമയെല്ലാം വെടിഞ്ഞു വന്നവനെ
ആരാധ്യനെ
എന്നേശുവേ

ഓ ഓ ഓ
ഹാലേലൂയാ

ഏഴുപൊൻ നിലവിളക്കിൻ
നടുവിൽ ഞാൻ കാണുന്നേ
നിലയങ്കി ധരിച്ചാമാറിൽ
പൊൻ കച്ച അണിഞ്ഞവനെ
ഏഴു നക്ഷത്രങ്ങൾ
വലങ്കയ്യിൽ പിടിച്ചവനെ
സൂര്യനെപ്പോലും വെല്ലും
മുഖ ശോഭയുള്ളവനെ

ഓ ഓ ഓ
ഹാലേലൂയാ

സാറാഫുകൾ ആരാധിക്കും പരിശുദ്ധനായവനെ
ദൂതൻമാർ വാഴ്തി പാടും തേജസ്സായുള്ളവനെ
എല്ലാ നാമങ്ങൾക്കും മേലായ നാമമേ
എല്ലാ നാവും പാടും യേശുവിൻ നാമമേ

ഓ ഓ ഓ
ഹാലേലൂയാ