വിശുദ്ധാത്മാവേ! വരിക – ദോഷിയാം
എൻ നെഞ്ചിൽ വസിക്ക

1 നിൻ ഹിതം എത്ര അറിഞ്ഞാലും പാപമെ
നിത്യം ചെയ്തീടുന്നു ഞാൻ - എന്മേൽ
നീ കടാക്ഷിക്കേണം - അല്ലെങ്കിൽ പാപി ഞാൻ
നിത്യ ചാവിന്നിരയാം വിശു

2 പാപിയെന്റെ മൂലം പാടുപെട്ടെൻ യേശു
പാരിൽ മരിച്ചതിനെ – പല
പ്രാവശ്യം പാപീമ-റന്നു മാ പാപ
പക്ഷമായ്‌ ചെയ്തുപോയേൻ

3 ജീവനുണ്ടെന്നൊരു-നാമമേ ഉള്ളെന്നിൽ
ജീവനില്ലെ പരനെ! -ഭവാൻ
കൈ വിട്ടാൽ പാപി ഞാൻ -ചാവാനിടയാമേ
കോപിച്ചു പോകരുതേ

4 നിന്നോടപേക്ഷിച്ചു-വന്ദനം ചെയ്‌വാനും
നിൻ സത്യം കേൾപ്പതിന്നും - മന്ദം
എന്നിൽ പലപ്പോഴും-വന്നവെക്കുക്ഷമ
തന്നു നീ വന്നീടുക

5 ഈ ലോകമായയിൽ-കാലം കഴിച്ചു ഞാൻ
മേൽ ലോകത്തെ മറന്നേൻ - ഇനി
ആ ലോകകാര്യങ്ങൾ ചിന്തിപ്പതിന്നു നീ
ആഗ്രഹം തന്നീടുക

6 കല്ലുപോലുള്ള എൻ-വല്ലാത്ത നെഞ്ചിനെ
നല്ലവണ്ണം ഇളക്കി - ഉള്ള
വല്ലാത്ത ചിന്തകൾ - നീക്കി എന്നുള്ളിൽ നീ
പള്ളികൊണ്ടീടണമേ