വിട്ടുപോകുന്നു ഞാനീ ദേശം
അന്യനായ് പരദേശിയായ് പാർത്ത ദേശം
സ്വന്ത നാട്ടിൽ സ്വന്ത വീട്ടിൽ
നിത്യ കാലം വാഴുവാൻ

എൻ്റെ ആയുസ്സു മുഴുവൻ
എന്നെ കാത്തല്ലോ ദൈവമേ
ഒന്നും ചെയ്തില്ല ഞാനീ ഭൂവിൽ
അങ്ങേ നന്മകൾക്കൊത്തതു പോൽ

കർത്താവിൽ മരിക്കുന്ന മർത്യർ
ഭാഗ്യവാന്മാർ അവർ നിശ്ചയം
ചെന്നു ചേരും വേഗമവർ
സ്വർഗ്ഗ സീയോൻ പുരി അതിൽ

എൻ്റെ ദേശം സന്തോഷ ദേശം
ദുഃഖം വേണ്ട പ്രിയ ജനമേ
വീണ്ടും കാണും വേഗം നമ്മൾ
കർത്തൻ വാനിൽ എത്തിടുമ്പോൾ