യാഹിൻ നാമമത്
എത്ര ഉറപ്പുള്ള ഗോപുരമേ
യാഹിൻ നാമമത്
സർവ്വ ശക്തിയുള്ള സങ്കേതമേ

നീതിമാൻ ഓടിയെത്തി അഭയം കാണും
നീതിമാൻ അതിലെന്നും ആശ്രയിച്ചിടും

സൈന്യത്തെപ്പോലെ ശത്രു വന്നാലും
തേനീച്ചപോലെ ചുറ്റി വളഞ്ഞെന്നാലും
ഓടിയെത്തീടാം അവൻ സവിധേ കോട്ടയായ്
ശൈലമായ് കാത്തീടും ദൈവം

പഴികളും ദുഷികളും ഏറിടുമ്പോൾ
കഷ്ടത നിന്നെ തളർത്തിടുമ്പോൾ
പതറരുതേ കലങ്ങരുതേ ശാശ്വത
ഭുജത്തിൽ നിന്നെ താങ്ങിടും ദൈവം

ശത്രുവിന്‍റെ ഉപദ്രവം ഹേതുവായി
ദുഖിച്ചു നടക്കേണ്ടി വന്നീടിലും
അസ്ഥി തകർക്കും വണ്ണം നിന്ദ ഏറിയാൽ
ധൈര്യമായ് എത്തുക അവൻ സവിധേ