യഹോവ ദൈവമാം വിശുദ്ധ ജാതി നാം
അവനവകാശമാം ജനം നാം
പരദേശികൾ നാം ഭാഗ്യശാലികൾ
ഇതുപോലൊരു ജാതി ഉണ്ടോ

ആപത്തിൽ നമ്മുടെ ദിവ്യ സങ്കേതവും
ബലവും ദൈവമൊരുവനത്രേ
ആകയാൽ പാരിടം ആകെയിളകിലും
നാമിനി ഭയപ്പെടുകയില്ല

അവനീ തലത്തിൽ അപമാനം നമു
ക്കവകാശമെന്നോർത്തിടണം
അവനായ് കഷ്ടതയേൽക്കുകിൽ തേജസ്സിൽ
അനന്തായുഗം വാണിടും നാം

നിര നിര നിരയായ് അണിനിരന്നീടുവിൻ
കുരിശിൻ പടയാളികളേ
ജയ ജയ ജയ കാഹളം ഊതിടുവിൻ
ജയവീരനാം യേശുവിന്