യാക്കോബിൻ വല്ലഭന്റെ ഭുജബലത്താൽ
വിടുതലുണ്ട് വിടുതലുണ്ട്
ശാലേമിൻ രാജനാം യേശുവിങ്കൽ
വീണ്ടെടുപ്പുള്ളതിനാൽ

മരണത്തിൻ പാശങ്ങൾ ചുറ്റിയാലും
പാതാളവേദനകൾ ഞെരുക്കിയാലും
മരണത്തിൻ ഭീകര താഴ്വരയിൽ
ബലമുള്ള ഭുജത്താൽ താങ്ങിടും താൻ

അനർത്ഥങ്ങൾ അസംഖ്യമായി ഏറിയാലും
പ്രതികൂലത്താൽ മനം നീറിയാലും
അകൃത്യങ്ങൾ ക്ഷമിച്ച എൻ ആത്മനാഥൻ
അതിലെല്ലാം ജയം തരും ഭുജബലത്താൽ

ശത്രുസൈന്യം പാളയമിറങ്ങിയാലും
അന്ധകാര ശക്തികൾ പെരുകിയാലും
ക്രിസ്തുവാം പാറമേൽ ഉറച്ചു നില്പാൻ
ജയത്തിൻകൊടി വീണ്ടും ഉയർത്തിടാമേ