യേശുവേ, എന്യേശുവേ
അങ്ങെനിക്കേകിടുന്ന
നാളെല്ലാം പാടിടും ഞാൻ
യേശു എന്ന നാമം

ലോകത്തിൻ മാനങ്ങൾ, ലാഭങ്ങൾ, നേട്ടങ്ങൾ
ഒന്നുമല്ലേ എൻ ഇമ്പം
നിൻ മാധുര്യ ശബ്ദം കേട്ടു ഞാൻ ജീവിക്കും
എന്നെന്നും പ്രാണപ്രിയ

നിത്യമാം സൗഭാഗ്യം പ്രാപിക്കും അന്നാളിൽ
യേശുവേ കണ്ടിടും ഞാൻ
എനിക്കൊരുക്കിടും പ്രതിഫലമോർക്കുമ്പോൾ
നന്ദിയാൽ നിറയും മനം

മാലിന്യമേലാതെ ഈ ലോകേ ജീവിപ്പാൻ
ആത്മാവാൽ നയിക്കുക എന്നെ
നിൻ വരവിൻ ധ്വനി കേൾക്കുമാ നാളിനായ്
വാഞ്ഛയേറീടുന്നെന്നിൽ