യേശുവിൻ കൂടുള്ള യാത്ര ആനന്ദമേ
ആ മാർവോടു ചേർന്നിരുന്നാൽ ഭയമില്ലയെ
അൻപേറുന്ന കൈകളാൽ അത്ഭുതമായി നടത്തിടും

മാധുര്യമേറും മൊഴികളാൽ തൻ സ്നേഹമെന്നോട് പങ്കു വെയ്ക്കും
ഒറ്റയ്ക്ക് വിടുകയില്ല മടുത്തു മാറുകയില്ല
അന്ത്യം വരെ ആ ചൂട് മതി
യേശു എന്റെ കൂടെ മതി

ഇരുളേറും രാത്രിയിൽ വഴി ഏതെന്നറിയില്ല
തിര ഉയരും യാമത്തിൽ തീരം ഒന്നും കാണില്ല

ഒന്ന് ഞാൻ അറിയുന്നെന്നെ വിളിച്ച ദൈവം വിശ്വസ്തൻ
കണ്മണിപ്പോൾ കാക്കുന്നവൻ കൂടെയുണ്ട് കാവലായി
പെരുവെള്ളവും തോറ്റുപോകുമേ
യേശുവിൻ കൈകൾ താങ്ങി നടത്തുമേ

ഓരോ ചുവടും അത്ഭുതമേ
യേശു തരും അനുഭവമേ
നന്ദി ചൊല്ലി തീർക്കുവാൻ അവതില്ല തെല്ലുമേ

ഇരവിലും പകലിലും യേശു എന്റെ പാലകൻ
വീട്ടിലെത്തുവോളം എന്നെ കൈ വിടാത്ത സ്നേഹിതൻ
നിത്യസ്നേഹമേ നിസ്തുല്യ സ്നേഹമേ
നിത്യതയോളം നിലനിൽക്കും ബന്ധമേ