യോഹന്നാൻ ചാരിയ തിരുമാർവ്വിൽ
ഞാനും ചാരട്ടെൻ യേശു ദേവാ
ആഹൃത്തിൻ സ്നേഹത്തിൻ സ്പന്ദനങ്ങൾ
എന്നിലും നിറയട്ടെൻ യേശു ദേവാ

വ്യാധികൾ കൊണ്ടു വലഞ്ഞവരെ
ആധികൾ തീർത്തു നീ സൗഖ്യമാക്കി
ആഹൃത്തിൻ സ്നേഹത്തിൻ സ്പന്ദനങ്ങൾ
എന്നിലും നിറയട്ടെൻ യേശു ദേവാ

മരുഭൂമിയിൽ വിശന്നായിരങ്ങൾ
മനസ്സലിഞ്ഞവർക്കു നീ അപ്പമേകി
ആഹൃത്തിൻ സ്നേഹത്തിൻ മനസ്സലിവാൽ
എന്നെയും നിറയ്ക്ക എൻ യേശു ദേവാ

കുഷ്ഠം നിറഞ്ഞതാൽ ഭ്രഷ്ടരായി
ഉറ്റവർ പോലും വെറുത്തവരെ
സ്നേഹത്തിൻ കൈ നീട്ടി ചേർത്തവനേ
നിറയ്ക്ക നീ എന്നെ ആ സ്നേഹത്താൽ

ക്രൂശിൽ നിൻ പാണി തുളച്ചവർക്കായി
പൊറുക്കണേ എന്നങ്ങു യാചിച്ചോനെ
ആ ഹൃത്തിൻ ദിവ്യമാം ക്ഷമയുമെന്നിൽ
വന്നു നിറയട്ടെ എൻ യേശു ദേവാ