హృదయమనెడు తలుపు నొద్ద – యేసు నాథుండు
నిలచి – సదయుడగుచు దట్టుచుండు – సకల విధములను
పరుని బోలి నిలుచున్నాడు – పరికించి చూడ
నతడు – పరుడు గాడు రక్షకుండు – ప్రాణ స్నేహితుడు
కరుణా శీలుండతడు గాన – గాచి యున్నాడు
యేసు – కరుణ నెరిగి గారవింప – గరము న్యాయంబు
ఎంత సేపు నిలువ బెట్టి – యేడ్పింతు రతని
నాత – డెంతో దయచే బిలుచుచున్నా – డిప్పుడు మిమ్ములను
అతడు మిత్రుడతడు మిత్రుం – డఖిల పాపులకు
మీర – లతని పిలుపు వింటి రేని – యతడు ప్రియుడగును
జాలి చేత దన హస్తముల – జాపి యున్నాడు
మిమ్ము – నాలింగనము సేయ గోరి – యనిశము కనిపెట్టు
సాటిలేని దయగల వాడు – సర్వేశు సుతుడు
తన – మాట వినెడు వారల నెల్ల – సూటిగ రక్షించు
చేర్చుకొనుడి మీ హృదయమున – శ్రీ యేసునాథు
నతడు – చేర్చుకొనుచు మీ కిచ్చును – చీర జీవము కృపను
అతడు తప్పక కలుగజేయు – నఖిల భాగ్యములు
మీర – లతని హత్తుకొందు రప్పు – డానందము తోడ
బ్రతుకు శాశ్వతంబు కాదు – పరికించు చూడు
గాన – బ్రతికి యుండు కాలముననే – ప్రభుని గొలువండి
Hrudayamanedu talupu nodda – Yesu Naathundu
Nilachi – sadayudaguchu dattuchundu – sakala vidhamulanu
Paruni boli niluchunnaadu – parikinchi chooda
Natadu – parudu gaadu rakshakundu – praana snehitudu
Karunaa sheelundatadu gaana – gaachi yunnaadu
Yesu – karuna nerigi gaaravimpa – garamu nyaayambu
Enta sepu niluva betti – yedpintu ratani
Naata – dento dayache biluchuchunnaa – dippudu mimmulanu
Atadu mitrudatadu mitrum – dakhila paapulaku
Meera – latani pilupu vinti reni – yatadu priyudagunu
Jaali cheta dana hastamula – jaapi yunnaadu
Mimmu – naalinganamu seya gori – yanishamu kanipettu
Saatileni dayagala vaadu – sarveshu sutudu
Tana – maata vinedu vaarala nella – sootiga rakshinchu
Cherchukonudi mee hrudayamuna – Sri Yesu Naathu
Natadu – cherchukonuchu meekichchunu – cheera jeevamu krupanu
Atadu tappaka kalugajeyu – nakhila bhaagyamulu
Meera – latani hattukondu rappu – daanandamu thoda
Bratuku shaashvatambu kaadu – parikinchu choodu
Gaana – bratiki yundu kaalamunane – prabhuni goluvandi
Click a stanza to preview here.