ఆధారం నాకు ఆధారం
నాకు తోడునీడై ఉన్న నీ కృపయే ఆధారం
ఆశ్రయమూ నాకు ఆశ్రయమూ
ఆపత్కాలమందు ఆశ్రయమూ నీ నామం ఆశ్రయమూ

తల్లితండ్రి లేకున్నా – బంధుజనులు రాకున్నా
లోకమంత ఒకటైనా – బాధలన్ని బంధువులైనా

భక్తిహీన బంధంలో నేనుండగా
శ్రమల సంద్రంలో పడియుండగా
ఇరుకులో విశాలతనూ కలిగించిన దేవా
నీ చల్లని ఒడిలో నన్ను చేర్చగ రావా

దారిద్య్రపు సుడినుండి ఐశ్యర్యపు తీరానికి
నీ స్వరమె నా వరమై నడిపించిన యేసయ్యా
విడువను ఎడబాయనని పలికిన నా దేవా
నీ చల్లని ఒడిలో నన్ను చేర్చగ రావా

దిగులుపడిన వేళలలో దరిచేరిన దేవా
అవమానపు చీకటిలో బలమిచ్చిన నా దేవా
చీకటిలో వెలుగువై నడిచొచ్చిన నా దేవా
నీ చల్లని ఒడిలో నన్ను చేర్చగ రావా