ఆహా ఆనందమే పరమానందమే
ప్రియ యేసు నొసగె నాకు
కొలత లేనిది బుద్ధికందనిది
ప్రేమన్ వివరింప వీలగునా

నీచ ద్రోహినైన నన్
ప్రేమతో చేర్చుకొనే
పాప ఊభి నుండి నన్
పైకి లేవనెత్తెను

నిత్య నాశన పురమునకు
నే పరుగిడి వెళ్ళుచుండ
నిత్య జీవ మార్గములో
నన్ను నడిపితివి

నీ ప్రేమ స్వరమున్ విని
నేను మేలుకొంటిని
ప్రియుని రొమ్మును చేరను
నాలో వాంఛ ఉప్పొంగుచుండె

మధ్యాకాశము నందున
ప్రభుని చేరెడు వేళలో
ఆనందమానందమే
ఎల్లప్పుడానందమే