ఆనందింతు నీలో దేవా
అనుదినం నిను స్తుతించుచు
మధురమైన నీ నామమునే
మరువక ధ్యానించెద ప్రభువా

ఆత్మ నాథా అదృశ్య దేవా
అఖిల చరాలకు ఆధారుండా
అనయము నిను మది కొనియాడుచునే
ఆనందింతు ఆశ తీర

నాదు జనములు నను విడచినను
నన్ను నీవు విడువకుండా
నీ కను దృష్టి నాపై నుంచి
నాకు రక్షణ శృంగమైన

శ్రేష్ఠమగు నీ స్వాస్థ్యము కొరకు
మేఘమందు రానైయున్న
ఆ ఘడియ ఎప్పుడో ఎవరికి తెలుసు
అంతం వరకును భద్రపరచుము

శ్రమలు నన్ను చుట్టిన వేళ
చింతలో కృశించిన వేళ
అభయముగా నీ దర్శనమిచ్చి
శ్రమలు బాపి శాంతినిచ్చితివి