ఏ గుంపులో నున్నావో
ఎరిగి తెలుసుకో – గుర్తెరిగి తెలుసుకో
జాగు చేయక వేగ మేలుకో

మరణమనెడి మొదటి గుంపు
మారని గుంపు – నిర్జీవపు గుంపు
దురాత్మ బలముతో తిరిగెడి గుంపు

మెచ్చుఁకొనుట కిచ్చకంబు
లాడెడి గుంపు – నులివెచ్చని గుంపు
చచ్చియుండిన సమాధుల గుంపు

కరుణ లేక కఠినమైన
కరుగని గుంపు – గుర్తెరుగని గుంపు
కరకు కల్గిన కఠోరపు గుంపు

యేసు వాక్యమనగ నేమో
ఎరుగని గుంపు – విననియ్యని గుంపు
ముద్ర వేసిన మూర్ఖుల గుంపు

ధరణి నరుల తరిమి కొట్టు
దయ్యపు గుంపు – అదే కయ్యపు గుంపు
పరమ తండ్రిని ఎదిరించెడి గుంపు

పరమ తండ్రి కడకు జేర
పరుగులెత్తెడి – నిరపరాధ జనులకు
కావలి కాయు కఠినాత్ముల గుంపు

సర్వ లోక మోసగాడు
ఆది సర్పము – అదే ఘట సర్పము
సర్వ భక్తుల బరి మార్చెడి గుంపు

వధువు మంద మేయు మర్మ
మనగ గమనిక – గమనించి తెలుసుకో
గదిలో చేరుకో పదిలపర్చుకో