దీవించావే సమృద్ధిగా నీ సాక్షిగా కొనసాగమని
ప్రేమించావే నను ప్రాణంగా నీ కోసమే నను బ్రతకమని

దారులలో ఎడారులలో - సెలయేరులై ప్రవహించుమయా
చీకటిలో కారు చీకటిలో- అగ్ని స్తంభమై నను నడుపుమయా

నువ్వే లేకుండా – నేనుండలేను యేసయ్య
నీ ప్రేమే లేకుండా - జీవించలేను నేనయ్య
నా ఒంటరి పయనంలో నా జంటగా నిలిచావే

నే నడిచే దారుల్లో - నా తోడై వున్నావే
ఊహలలో నా ఊసులలో - నా ధ్యాస బాసవైనావే
శుద్ధతలో పరిశుద్ధతలో - నిను పోలి నన్నిల సాగమని

కొలతే లేదయ్యా - నీ జాలి నాపై యేసయ్య
కొరతే లేదయ్యా – సమృద్ధి జీవం నీవయ్యా
నా కన్నీరంతా తుడిచావే - కన్న తల్లిలా

కొదువంతా తీర్చావే - కన్న తండ్రిలా
ఆశలలో నిరాశలలో – నేనున్నా నీకని అన్నావే
పోరులలో పోరాటములో నా పక్షముగా నిలిచావే