దేవునియందు నిరీక్షణ నుంచి
ఆయనను స్తుతించు నా ప్రాణమా

ఏ అపాయము రాకుండ నిన్ను – దివారాత్రులు కాపాడువాడు
ప్రతిక్షణం – నీ పక్షముండు – రక్షకుడు

చీకటిని వెలుగుగా చేసి – ఆయన నీ ముందు పోవువాడు
సత్యమగు – జీవమగు – మార్గమేసే

నీకు సహాయము చేయువాడు – సదా ఆదుకొను వాడు ఆయనే
ఆధారము – ఆదరణ – ఆయనలో

తల్లి తన బిడ్డను మరచిననూ – మరువడు నీ దేవుడు నిన్ను
తల్లికన్నా – తండ్రికన్నా – ఉత్తముడు

నీకు విరోధముగా రూపించిన – ఏ విధ ఆయుధమును వర్ధిల్లదు
శత్రువులు – మిత్రులుగా – మారుదురు

పర్వతములు తొలగి పోయిననూ – తన కృప నిన్ను ఎన్నడు వీడదు
కనికర – సంపన్నుడు – నా దేవుడు

స్తుతి మహిమలు నీకే ప్రభు – నిత్యము నిన్నే కొనియాడెద
హల్లెలూయ – హల్లెలూయ – హల్లెలూయ