గొర్రెపిల్ల వివాహోత్సవ
సమయము వచ్చెను రండి

సర్వాధికారియు సర్వోన్నతుండైన
మన తండ్రిని ఘనపరచి మనముత్సహించెదము

సిద్ధపడెను వధువు సుప్రకాశము గల
నిర్మల వస్త్రములతో నలంకరించుకొనెన్

పరిశుద్ధుల నీతి క్రియలే యా వస్త్రములు
గొర్రె పిల్ల రక్తములో శుద్ధి నొందిన వారు

తెల్లని గుర్రముపై కూర్చుండినవాడు
నమ్మకమై యున్నట్టి పెండ్లి కుమారుండు

దేవుని వాక్యమను నామము గలవాడు
రక్తములో ముంచిన వస్త్రమున్ ధరియించె

ప్రేమించి సంఘముకై ప్రాణంబు నిదె ప్రభువు
పరిశుద్ధ పరచుట కొరకై తానప్పగించుకొనెన్

శ్రీ యేసు క్రీస్తుండే సంఘంబునకు శిరస్సు
వాక్య ఉదకము తోడ శుద్ధి పరచుచుండె