హోసన్ననుచూ స్తుతి పాడుచూ సీయోనుకు చేరెదం
హోసన్నా… హోసన్నా

ఈ లోకయాత్రలో బాటసారులం
ఈ జీవన కడలిలో పరదేశులం
క్షణభంగురం ఈ క్షయ జీవితం
అక్షయ నగరం మనకు శాశ్వతం

మన్నయిన ఈ దేహం మహిమరూపమై
ధవళవర్ణ వస్త్రములు ధరియించెదము
నాధుడేసుకు నవ వధువులము
నీతి పాలనలోన యువరాణులము

ప్రతి భాష్ప బిందువును తుడిచివేయును
చింతలన్ని తీర్చి చెంత నిలుచును
ఆకలి లేదు దప్పిక లేదు
ఆహా మన యేసుతో నిత్యమానందం