నీ ఉదయ కాంతిలో - నే నడచివెళ్ళెద
నీ అడుగు జాడలే నే అనుసరించెద
నదివలె నీ సమాధానము - విడిచిపోని సహవాసము
నా తోడుగా ఉంచావయ్యా - నా తండ్రివై నా యేసయ్య

1.నీ వాక్యపు వెలుగులో - నా స్థితిని చూచితి
నా భారము, నా భయమును, తొలగించి దరి చేరితివి
చీకటిలోనుండి ఆశ్చర్యమైన - నీ వెలుగుకు పిలచిన దేవా
నా రక్షణ దీపం వెలిగించినావే - నీ మహిమకై ప్రకాశించెద

2.ఏ జలమైనా ఏ జ్వాలైనా - నే భయముచెందను
విశ్వాసమే నా బలం - నీతోనే విజయము
నను మరువని నీ ప్రేమ, విడువని నీ కృపకు, మరిఏదీ సాటిరాదయా
ఆ ప్రేమను తలచి, నీలోనే నిలచి, నీ కృపలో సాగెదనయ్యా