నీతోనే నా నివాసము – నిత్యము ఆనందమే
సౌందర్య సీయోనులో
నీ మనోహరమైన ముఖము దర్శింతును

నీతోనే నా నివాసము – నిత్యము ఆనందమే
సీయోనులో స్థిరమైన పునాది నీవు
నీ మీదే నా జీవితము అమర్చుకున్నాను

సూర్యుడు లేని చంద్రుడు లేని
చీకటి రాత్రులు లేనే లేని
ఆ దివ్య నగరిలో కాంతులను
విరజిమ్మెదవా నా యేసయ్యా

కడలి లేని కడగండ్లు లేని
కల్లోల స్థితి గతులు దరికే రాని
సువర్ణ వీధులలో
నడిపించెదవా నా యేసయ్యా

సంఘ ప్రతిరూపము – పరమ యెరుషలేము
సౌందర్య సీయోనులో
నీ మనోహరమైన ముఖము దర్శింతును
నీతోనే నా నివాసము నిత్యము ఆనందమే
ఆనందమే పరమానందమే