యేసూ నా ప్రభువా - నీ ప్రేమ లేకున్న
నా యాత్మ కేదియు - విశ్రాంతి నియ్యదు

ఒక్కొక్క గంట నేను - నిన్నాశించుకొందు
నీ యాశీర్వాదమిమ్ము - నా రక్షకా

యేసూ, రేబగళ్ళు - నాయొద్ద నుండుము
నాతో నీ వుండిన - ఏ భయముండదు

సుఖంబు బొందగా - నిన్నే యాశింతును
దుఃఖంబు నొందగా నీవే శరణ్యము

నీదు మార్గమందున - నే నడ్వనేర్పుము
నీ మాట చొప్పున - నన్నున్ దీవించుము

నిన్నే యాశింతును - యేసూ నా ప్రభువా
నీ వంటి వాడనై - నన్నుండ జేయుము