ఒంటరి పయనంలో ఎవరు లేకున్నా
అందరు నను విడిచి దూరంపోతున్నా
నీవే తోడుండగా నీ సన్నిధి వెంటుండగా

ఈ పయనం ఆగనే ఆగదు యేసు
నా అడుగు జారనే జారదు

ఎడారిలో గూడబాతునై
రెక్కలు తెగిన పక్షినై
దారే కానరాకున్న గమ్యమే తెలియకున్నా

దప్పికతో నీటివాగుకై పరుగెడుతున్న దుప్పికై
ఆశే ఇకలేకున్నా ధైర్యమే మిగులకున్నా

ఓటమితో వట్టి మోడునై ఫలములులేని చెట్టునై
శ్వాసే ఆగిపోతున్నా ప్రాణమే మిగులకున్నా