ఊహకందనంత ఉన్నతం నాపట్ల
నీవు చూపుచున్న ప్రేమ యేసయ్యా
స్థితిని పరిగణించక గతము చూడక
నన్ను కోరుకున్న రీతి ఎంత అద్భుతం

ప్రాణమిచ్చునంతటి గాఢమైన ప్రేమది
నాకు అనుగ్రహించబడినది

జారిపడ్డ చోటునే వదిలివేయక
వెదకి పలకరించి నిలువబెట్టుకున్నది
గాయము మాన్పిన స్వస్థత కూర్చిన
దివ్య ప్రేమది యేసూ నాకు వరమది

దూరమైన వేళలో తడవు చేయక
పిలిచి కనికరించి తిరిగి చేర్చుకున్నది
రూపము మార్చిన క్షేమమునిచ్చిన
గొప్ప ప్రేమది యేసూ నాకు వరమది

కృంగదీయు బాధలో ముఖము దాచక
మనవి అనుగ్రహించి కృపను చూపుచున్నది
అక్కర తీర్చిన ధైర్యము నింపిన
వింత ప్రేమది యేసూ నాకు వరమది