ఊహించలేని కార్యములు దేవుడు జరిగించినాడు
కానానులో మహిమను చూపి కార్యము జరిగించినాడు

దంపతులను దీవించగా బంధువులు విచ్చేసినారు
ఘనమైన కార్యము తిలకించగా ఆత్మీయులే వచ్చినారు

ఆనందమే ఆనందమే ఈ పెళ్లి సంతోషమే
కళ్యాణము కమనీయము కళ్యాణ వైభోగము
ఒకరికి ఒకరు ముడి వేసుకొనే బంధం

ఒకరంటే ఒకరికి ప్రేమను పంచే తరుణం
కలవాలి హృదయాలు ఒకటై
పండాలి నూరేళ్లు ఇకపై
వెయ్యేళ్ళు వర్ధిల్లాలని ఇస్తున్నాము ఇవ్వాళ

దేవుని సముఖములో బ్రతకాలి మీరు
మీ జీవిత పయనం సాగాలి ఆ దేవునితో
లోబడి ఉండాలి వధువు
ప్రేమను పంచాలి వరుడు
దేవుడిచ్చే బహుమానం మీ కన్నుల పంట కావాలి