సాగి సాగి పొమ్ము నీవు ఆగిపోక
యేసుతోనే కడవరకు పరముదాక
యేసయ్యతోనే కడవరకు పరముదాక

వెనుతిరిగి చూడక వెనుకంజ వేయక
విశ్వాసకర్త అయిన యేసు వైపు చూడుమా
నా హృదయమా

ఇశ్రాయేలు యాత్రలో ఎర్ర సముద్రం
ఇబ్బంది కలిగినే ఎదురు నిలువగా

ఇమ్మానుయేలు నీకు తోడుండగా
విడిపోయి త్రోవనిచ్చే ఎంతో వింతగా
ఎంతో వింతగా

పాపమందు నిలచిన పడిపోదువు
పరలోక యాత్రలో సాగకుందువు

ప్రభు యేసు సిలువ చెంత నీవు నిలిచినా
నిత్య జీవ మార్గమందు సాగిపోదువు
కొనసాగిపోదువు

విశ్వాస పోరాటంలో విజయ జీవితం
విజయుడేసు సన్నిధిలో మనకు దొరుకును

విలువైన ఆత్మతో బలము నొందుము
వింత లోకం ఎదురాడిన పడక నిలుతువు
పడిపోక నిలుతువు