సమస్త జనులారా మీరు
యెహోవాకు స్తుతిగానము పాడి
సంతోషముతో సన్నిధిలో
ఉత్సాహించుడి జయమనుచు

తానెయొనర్చె మహకార్యములన్
పాపిని రక్షింప బలియాయెన్
శత్రుని రాజ్యము కూలద్రోసెను
స్మరియించుడి మీరందరును
ఆయనను స్తుతియించుడి

జ్ఞాపకముంచుకో ఇశ్రాయేలు
విడిపించె నైగుప్తునుండి
నలువది వత్సరములు నడిపించె
కానానుకు మిమ్ము చేర్చుటకు
ఆయనను స్తుతియించుడి

మోషేకు తన సేవను నొసగె
యెహోషువా జయమును పొందె
శత్రుని గెల్చి రాజ్యము పొందె
ఘనకార్యములను స్మరియించి
ఆయనను స్తుతియించుడి

మీరే ప్రభుని స్వంత ప్రజలుగా
కొనె మిమ్ము తన రక్తముతో
ఆత్మల చేర్చి సంఘము కట్టె
ఆ రీతిని కని స్మరియించు
ఆయనను స్తుతియించుడి

పిలిచెను ప్రభువు సేవకు మిమ్ము
నేడే వినుమాయన స్వరము
అర్పించుడి మీ జీవితములను
సాగిలపడి ఆయన యెదుట
ఆయనను స్తుతియించుడి