సర్వోన్నత స్థలములలో సమాధానము
ప్రాప్తించె ప్రజ కొరకు ప్రభు జన్మముతోను
హల్లెలూయా అర్పణలు – ఉల్లముతో చెల్లింతుమ్

రాజాధి రాజునకు – హోసన్నా ప్రభువునకు
పశువుల పాకలో మనకు శిశువు జన్మించె
పొత్తిగుడ్డలలో చుట్టగ పవళించిన తండ్రి
ఆశ్చర్యకరుడు – ఆలోచనకర్త
నిత్యుండు సత్యుండు నిజ రక్షణ క్రీస్తు

మన వ్యసనములను బాప మొత్తబడుట కొరకై
మన సమాధానార్థ శిక్ష మోపబడుట కొరకై
మన దోషము బాప – మానవరూపమున
జనియించె బాలుండు ఇమ్మానుయేలుండు