స్తుతియించి కీర్తించి ఘనపరతును నా యేసయ్యా
నీవే నా ఆరాధన యేసయ్యా
నీవే నా స్తుతి పాత్రుడా నా యేసయ్యా
నీవే నా ఆత్మలో ఆనందమయ్యా

నీవే నా జీవిత మకరందమయ్యా
గాఢాంధకారములోన వెలుగై నడిపించినావా
అగాధ జలములలోన మార్గము చూపించినావా

అనుదినము మన్నాను పంపి
ప్రజలను పోషించినావా
నీ ప్రజలను పోషించినావా

అగ్ని గుండము నుండి నీవు విడిపించినావు
సింహపు నోటి నుండి మరణము తప్పించినావు

ప్రతి క్షణము నీవు తోడుగా నుండి
ప్రజలను రక్షించినావు
నీ ప్రజలను రక్షించినావు

పాపములో ఉన్న మాకై రక్తము చిందించినావే
మరణములో ఉన్న మాకై సిలువలో మరణించినావే

అనుదినము మాతో నీవుండి
మమ్ము నడిపించు దేవా
మము పరముకు నడిపించు దేవా