సుధా మధుర కిరణాల అరుణోదయం
కరుణామయుని శరణం అరుణోదయం
తెర మరుగు హృదయాలు వెలుగైనవి
మరణాల చెరసాల మరుగైనది

దివి రాజుగా భువికి దిగినాడని – రవి రాజుగా ఇలను మిగిలాడని
నవలోక గగనాలు పిలిచాడని – పరలోక భవనాలు తెరిచాడని

ఆరని జీవన జ్యోతిగ వెలిగే తారొకటొచ్చింది
పాడే పాటల పశువులశాలను ఊయల చేసింది
నిను పావగా – నిరుపేదగా – జన్మించగా – ఇల పండుగ

లోకాలలో పాప శోకాలలో – ఏకాకిలా బ్రతుకు అవివేకులు
క్షమ హృదయ సహనాలు సమపాలుగా – ప్రేమానురాగాలు స్థిర ఆస్తిగా

నమ్మిన వారిని రమ్మని పిలిచే రక్షకుడా యేసే
నిత్య సుఖాల జీవజలాల పెన్నిధి ఆ ప్రభువే
ఆ జన్మమే – ఒక మర్మము – ఆ బంధమే – అనుబంధము