సుందరమైన దేహాలెన్నో శిథిలం కాలేదా?
అంబరమంటిన రాజులెందరో అలిసిపోలేదా?
కలములు పట్టిన కవులు ఎందరో కనుమరుగవలేదా?

ధరణిలోన ధనికులెల్లరు దహనం కాలేదా?
ఏదీ శాశ్వతం కాదేది శాశ్వతం
తరచి చూడుము పరికించి చూడము
నెత్తుటి చారలను లిఖించిన రాజులెందరో

ఆ నెత్తురులోనే ప్రాణాలు విడిచిపోయారు
అధికార దాహంతో మదమెక్కిన వీరులు
సమాధి లోతుల్లోనే మూగబోయారు
తపోబలము పొందిన ఋషులందరూ
మతాధికారులు మఠాధిపతులు

ఈ కాలగర్భంలోనే కలసిపోయారు
మరణ పిడికళ్లలో బందీలయ్యారు
యేసులేని జీవితం వాడబారిన చరితం
క్రీస్తు ఉన్న జీవితం భువిలో చరితార్ధం

ప్రాణం పోసిన దైవాన్ని కాదంటే
ఆ జీవితానికి పరమార్ధం ఉంటుందా?
పాప సంకెళ్ళలో బందీలైనవారికి
ఆ దివ్య మోక్షం చేరుకొనే భాగ్యం ఉంటుందా?

శరీరాన్ని విడిచిన మనుష్యాత్మకు
మరో జీవితం లేదనుట భావ్యమా?
రక్తము కార్చిన యేసుని విస్మరించి

ఈ సృష్టిని పూజించుట మనిషికి న్యాయమా?
యేసులేని జీవితం అంధకార భందురం
క్రీస్తు ఉన్న జీవితం తేజోమయ మందిరం