స్వఛ్చంద సీయోను వాసి
సర్వాధికారి – కస్తూరి పూరాసి
వర్తమాన భూత భవి-ష్యత్కాల వాసి
అల్ఫా ఒమేగ తానే

ఆద్యంతము మన యేసే
ఇదిగో నేనొక నిబంధనను
అద్భుతముగ జేతున్ – నీ ప్రజలందరి యెదుట
పరిశోధింపజాలని మహా – పనులెల్ల ప్రభువే
లెక్క లేని యద్భుతముల్
మక్కువతో చేయువాడు

సంగీతం నాదముల తోడ
సీయోను పురము – సొంపుగను చేరితిమి
శాశ్వత సంతోషము మా – శిరములపై వెలసెన్
దుఃఖము నిట్టూర్పును పోయెన్
మిక్కిలి ఆనందము కల్గెన్

నీలముల పునాదులు వేసి
నీలాంజనములతో – మాణిక్య మణులతో
సువర్ణ శునీయముల – సూర్య కాంతముతో
ప్రశస్త రత్నములతో
ప్రవిమలముగా నిను గట్టెదను
హిత వత్సరము విముక్తి
ఆత్మాభిషేకము నీదే

జలములలో బడి దాటునప్పుడు
బలమై యుండెదను – నీ తోడై యుండెదను
నదులలో వెళ్లునప్పుడు – నీపై పారవు
అగ్ని మధ్యను నడచినను
జ్వాలలు నిను కాల్చగ లేవు

ఇత్తడి తలుపుల బగుల గొట్టెద
నినుప ఘడియలను – విడగొట్టెదను నేను
అంధకార స్థలములలో ను-న్నట్టి నిధులను
రహస్యములో మరుగైన
ధనమును నీ కొసంగెదను

గర్భమున పుట్టినది మొదలు
తల్లి యొడిలోన – కూర్చుండినది మొదలు
నేను చంక బెట్టుకొన్న – నాదు ప్రజలారా
ముదిమి వచ్చుఁ వరకు నిన్ను
ఎత్తుకొను వాడను నేనే