స్తోత్రింతుము నిను మాదు తండ్రి
సత్యముతో ఆత్మతో నెప్పుడు
పరిశుధ్ధాలంకారములతో
దర్శించెదము శరణం శరణం

శ్రేష్ఠ యీవుల యూట నీవే
శ్రేష్ఠ కుమారుని ఇచ్చినందున
త్రిత్వమై ఏకత్వమైన త్రి-
లోకనాథ శరణం శరణం

దవలవర్ణుడ రత్నవర్ణుడ
సత్యరూపి యనబడువాడా
నను రక్షించిన రక్షకుండవు
నాథ నీవే శరణం శరణం
సంఘమునకు శిరస్సు నీవే
రాజా నీకే నమస్కారములు
ముఖ్యమైన మూలరాయి
కోట్లకొలది శరణం శరణం

నీదు సేవకుల పునాది
జ్ఞానమునకు మించిన తెలివి
అందముగనూ కూడుకొనుచు
వేడుకొందుము శరణం శరణం

రాజ నీకే స్తుతి స్తోత్రములు
గీతములు మంగళ ధ్వనులు
శుభము శుభము శుభము నిత్యం
హల్లెలూయా ఆమెన్ ఆమెన్