ఉదయించె దివ్య రక్షకుడు
ఘోరాంధకార లోకమున
మహిమ క్రీస్తు ఉదయించెను
రక్షణ వెలుగు నీయను

ఘోరాంధకారమున దీపంబు లేక
పలు మారు పడుచుండగా
దుఃఖ నిరాశ యాత్రికులంతా
దారి తప్పియుండగా

మార్గదర్శియై నడిపించువారు
ప్రభు పాద సన్నిధికి
దివ్య రక్షకుడు ప్రకాశ వెలుగు
ఉదయించె ఈ ధరలో

చింత విచారముతో నిండియున్న
లోక రోదన విని
పాపంబునుండి నశించిపోగా
ఆత్మ విమోచకుడు

మానవాళికై మరణంబునొంది
నిత్య జీవము నివ్వన్
దివ్యరక్షకుడు ప్రకాశతార
ఉదయించె రక్షింపను

పరలోక తండ్రి కరుణించి మనల
పంపేను క్రీస్తు ప్రభున్
లోకాంధులకు దృష్టినివ్వ
అరుదెంచె క్రీస్తు ప్రభువు

చీకటి నుండి దైవ వెలుగునకు
తెచ్చె క్రీస్తు ప్రభువు
సాతాను శృంగలములను తెంప
ఉదయించె రక్షకుడు