ఉదయించినాడు నా జీవితాన
నా నీతిసూర్యుడు నా యేసయ్యా
నా నీతిసూర్యుడు నా యేసయ్యా
సర్వోన్నత స్థలములలో దేవునికి మహిమ
ఇష్టులైన వారికిల సమాధానము

మతిలేని నా జీవితాన్ని – మరువలేదు నా మెస్సయ్యా
మరియమ్మ గర్భాన జన్మించినాడు
మార్చెను నా బ్రతుకును నా యేసయ్యా
మార్చెను నా బ్రతుకును నా యేసయ్యా

గురిలేని ఈ యాత్రలోన – గుర్తించి నన్ను పిలిచెను
గుణవంతుడైన నా యేసయ్యనే
గురిగా నేను నిలుపుకుంటినే
గురిగా నేను చేసుకుంటినే

కష్టాల కడగండ్లలోన కన్నీరు నే కార్చగా
కడతేర్చుటకు కరుణామయునిగా
ఇలలో నాకై ఏతెంచెను
ఇలలో నాకై ఏతెంచెను