En Aathumavae kalangidathe Lyrics Song Chords PPT - என் ஆத்துமாவே கலங்கிடாதே

என் ஆத்துமாவே கலங்கிடாதே
உன்னத தேவன் உன் அடைக்கலமே
வானமும் பூமியும் தானம் விட்டு நிலை மாறினாலும் (2)

பஞ்சம் பசியோ நிர்வாணமோ
மிஞ்சும் வறுமையோ வந்திடினும்
கொஞ்சம் அஞ்சாதே
தஞ்சம் தந்து உனைத் தாங்கிடுவார் - என்

உற்றார் உறவினர் மற்றும் பலர்
குற்றமே கூறித் திரிந்திடினும்
கொற்றவன் இயேசுன்னை
பெற்ற பிதாவைப் போல் அரவணைப்பார் - என்

நெஞ்சில் விசாரங்கள் பெருகுகையில்
அஞ்சாதே என்றவர் வசனம் தேற்றும்
வஞ்சகன் எய்திடும்
நஞ்சாம் கணைகளைத் தகர்த்திடுவார் - என்

வாழ்க்கைப் படகினில் அலை மோதி
ஆழ்த்துகையில் உன் அருகில் நிற்பார்
சூழ்ந்திடும் புயல் நீக்கி
வாழ்ந்திடவே வலக்கரம் பிடிப்பார் - என்

மரணமே வந்தாலும் மருளாதே
சரணடைந்தால் தைரியம் தந்திடுவார்
அரனவர் ஆபத்தில்
திரணமாய் மதிப்பாய் உன் ஜீவனையே - என்

துன்ப பாதை செல்ல துணிந்திடுவாய்
அன்பர் சென்ற பாதை அதுவேதான்
துன்பமே உன் பங்கு
துன்ப மூலம் தேவ ராஜ்யம் சேர்வாய் - என்

En Aathumavae kalangidathe lyrics songs, En Aathumavae kalangidathe song lyrics, En Aathumavae kalangidathe Lyrics Song Chords PPT - என் ஆத்துமாவே கலங்கிடாதே , tamil christian songs lyrics